• احبائي خلي نبسط الموضوع على نفسنا ونقسم التخدير في الفك السفلي الى قسمين :

١. تخدير عصب الأسنان / في حالة الحشوة العادية او حشوة الجذر ويشمل الأعصاب التالية :

A. Inferior alveolar nerve block.
B. Incisive nerve by mental injection.

٢. تخدير النسج اللثوية والشفوية / في حال القلع للأسنان او العمليات الجراحية وطبعاً لازم تتخدر أعصاب الأسنان كذلك ويشمل الأعصاب الأتية :

A. Lingual nerve.
B. Long buccal nerve.
C. Mental nerve.

• خلي هسه نتكلم عن تخدير اعصاب الأسنان وهي كالأتي

A. Inferior alveolar nerve block

• اذا اريد اخدر هذا العصب بصورة صحيحة لازم اخلي في بالي النقاط الأتية :

1. External oblique ridge.
2. Coronoid notch.
3. Pterygomandibular raphe.
4. Tip of thump.
5. 1st & 2nd premolars in other side.
6. Insertion 2/3 of needle and get touch bone.

• طبعاً بالبداية من اريد اخدر هذا العصب لازم اتحسس ال external oblique ridge بال thump لليد التي لانلزم بها ال dental syringe واستمر في التحسس والتحرك distally للأسنان السفلية لحد ما ال thump يقع في تجويف يسمى ال coronoid notch عندها اثبت ال thump على هذه الوضعية وادخل النيدل في منتصف المسافة بين ال tip of thump وال pterygomandibular raphe ….. هسه خلصنا لهنا ؟؟؟ لا لا لا ابد … لازم النيدل من الجهة الأخرى تكون بين ال 4 وال 5 ومن جهة ال thump تدخل 2/3 ويصير عندي touch bone ….

• اخواني اجينه هسه للمشكلة وإلي هي دخول النيدل 2/3 وحصول ال touch bone …. هنا احبائي راح صير عندي ٣ شغلات لا رابع لهما وهي :

١. أما تدخل النيدل 2/3 ويصير عندي touch bone وبهاي الحالة الأمور تمام وشوية اسحب النيدل وانطي حقن بطيئ ، ليش هنا اسحب كلش قليل النيدل وانطي حقن بطيئ ؟؟ … تكدرون تجاوبون بالتعليقات ونشوف الأجوبة لأن الموضوع يرادله شرح ….

٢. او يصير عندي early touch bone قبل ماتدخل النيدل 2/3 ، في هذه الحالة لازم احرك  النيدل mesially او laterally من جهة ال 4 وال 5 في الجهة المعاكسة لجهة دخول النيدل  على نفس المستوى الأطباقي واحاول ادخل النيدل 2/3 وعند دخولها 2/3 ارجع ال syringe الى مكانها بين ال 4 وال 5 من الجهة الأخرى واتبع نفس الخطوات المذكورة سابقاً …..

٣. او يصير عندي no touch bone , يعني النيدل داخله 2/3 او اكثر  ولكن لايوجد touch bone , في هذه الحالة لازم احرك  النيدل distally او medially من جهة ال 4 وال 5 في الجهة المعاكسة لجهة دخول النيدل على نفس المستوى الأطباقي وابدي اسحب النيدل لحد ماحصل touch bone والنيدل تكون داخلة 2/3 واكمل بنفس الخطوات السابقة .

• الملخص يااخواني واحبائي خلوا في بالكم هذه الجملة واحفضوها وهي :

(early touch bone move mesially or laterally to get touch bone at 2/3 insertion of needle, no touch bone move distally or medially to get touch bone at 2/3 insertion of needle)

B. Incisive nerve by mental injection.

• هنا مو دائما نخدر بهذه الطريقة ودائما خلي نعتمد على ال block …. هذه الطريقة تخدر الأسنان من جهة واحدة من ال 5 الى 1 من خلال وضع النيدل في الدهليز الشفوي بين ال 4 ال 5 وموازية للمحور الطولي للأسنان واخترق النسيج واحقن حتى يوصل التخدير الى ال mental foramen ويتخدر ال incisive nerve وال mental nerve في نفس الوقت ولكن تخدير ال incisive nerve يكون ضعيف مقارنة بطريقة ال block , ويمكن استخدام هذا التخدير اذا كان التسوس كلش بسيط وليس عميق والمراجع عنده فوبيا.

• خلي هسه نتحدث عن تخدير الأنسجة اللثوية والشفوية ، وهنا فائدة التخدير هو اذا كان عندك قلع سن او عملية جراحية للأسنان او اللثة او الشفة وراح نتحدث عن ثلاثة اعصاب وهي :

A. Lingual nerve :

• هنا اخواني تخديره كلش سهل اما يكون block مجرد انه النيدل من داخله 2/3 للتخدير السابق اسحبها فقط تقريباً 1/3 واحقن بصورة بطيئة الكمية المتبقية وراح يتخدر عندي هذا ال nerve ويخدر النسيج اللثوي اللساني واللسان نفسه ، ويكوم اللسان يلعب ويخدر او يكون infilteration بحيث ادخل النيدل في الدهليز اللساني موازية للمحور الطولي للأسنان واخترق واحقن واخدر المكان إلي اريده من اللثة اللسانية …..

B. Long buccal nerve :

• هنا احبائي تخديره ايضاً كلش سهل ، اما block من خلال تدخيل النيدل 2mm distally and buccally at last molar tooth واخترق واحقن وراح يتخدر عندي ال nerve ويخدرلي كل اللثة الخدية والشفوية او يكون infilteration من خلال دخول النيدل عمودياً في الدهليز الخدي او الشفوي موازية للمحور الطولي للأسنان واخترق واحقن واخدر المكان إلي اريده من اللثة الشفوية او الخدية.

C. Mental nerve :

• هنا احبائي تخديره كلش كلش سهل من خلال تدخيل النيدل عمودياً في الدهليز الشفوي موازية للمحور الطولي للأسنان بين ال 4 وال 5 واخترق واحقن وراح يروح التخدير الى ال mental foramen  ويتخدر عندي ال mental nerve  ويخدرلي نصف الشفة السفلى من جهة الحقن ونكدر نستفاد من هذا التخدير اذا كان عدنا عملية جراحية في الشفة ويمكن التخدير بطريقة ال block أيضاً.

الدكتور أثير بشير احمد

كلية طب الاسنان /جامعة كربلاء